Skip to content
TimesPosts homeTimesPostsThe record, as it happens.

Siyasa Nigeria A Yau. :::: Mun biya Naira biliyan 37 na bashin ƴan fansho da mu ka gada - Gwamna Abba

Mun biya Naira biliyan 37 na bashin ƴan fansho da mu ka gada - Gwamna Abba Gwamnan Kano, Abba Kabir Yusuf, ya ce gwamnatinsa ta biya Naira biliyan 37 daga cikin bashin fansho da giratuti da ta gada…

Ay Abdullahi · Admin

· 1 min read

Mun biya Naira biliyan 37 na bashin ƴan fansho da mu ka gada - Gwamna Abba

Gwamnan Kano, Abba Kabir Yusuf, ya ce gwamnatinsa ta biya Naira biliyan 37 daga cikin bashin fansho da giratuti da ta gada daga gwamnatocin baya.

Gwamnan ya bayyana hakan ne yayin bikin sake biyan wasu tsofaffin ma’aikata da iyalan ma’aikatan gwamnati da suka rasu hakkokinsu a gidan gwamnatin Kano.

Ya ce gwamnatinsa ta fara sake biyan giratuti da alawus-alawus, inda wannan shi ne karo na bakwai da aka gudanar da irin wannan biyan kuɗi.

Abba Yusuf ya tabbatar da cewa gwamnatinsa za ta kammala biyan sauran bashin da ake bin ta kafin watan Afrilun 2027.

Ya ce biyan kuɗaɗen na daga cikin ƙoƙarin gwamnatinsa na kula da jin daɗin ma’aikata, musamman waɗanda suka yi ritaya da iyalan waɗanda suka rasu.

A nasa ɓangaren, ƙungiyar tsofaffin ma’aikatan Najeriya (NUP) da ƙungiyoyin ƙwadago a jihar sun yaba wa gwamnatin bisa ba da fifiko ga walwalar ma’aikata da waɗanda suka yi ritaya.

Ƙungiyar NUP ta kuma karrama gwamnan da lambar yabo ta gwamnan da ya fi kula da ma’aikata, bisa ƙoƙarinsa na biyan haƙƙoƙin ma’aikata da iyalan waɗanda suka rasu.

More from TimesPosts