Siyasa Nigeria A Yau ::: Obi da magoya bayan NDC sun yi watsi da sabon taken Najeriya da Tinubu ya dawo da shi

Obi da magoya bayan NDC sun yi watsi da sabon taken Najeriya da Tinubu ya dawo da shi

Dan takarar shugaban kasa na jam’iyyar NDC, Peter Obi, tare da magoya bayan jam’iyyar, sun yi watsi da sabon taken Najeriya, inda suka rera tsohon taken kasar yayin wani taron tattaunawa da jama’a a Legas.

Lamarin ya faru ne a ranar Alhamis, lokacin da aka bukaci mahalarta taron su miƙe domin rera sabon taken Najeriya, amma Obi, dan takarar gwamnan Legas na NDC, Funso Doherty, da magoya bayansu suka ki.

Hakan ya sa mai gabatar da taron sauya taken zuwa tsohon inda mahalarta suka rera ta cikin farin ciki.

Obi ya kuma nuna goyon bayansa ga matakin, inda ya fuskanci taron tare da daga yatsu biyu a hannayensa biyu, a matsayin alamar tambarin jam’iyyar NDC.

Wannan na zuwa ne bayan wasu ’yan daba dauke da adduna, sanduna da duwatsu sun kutsa kai cikin wurin taron, lamarin da ya haddasa rudani tare da tilasta wa mahalarta taron tserewa domin tsira.