Skip to content
TimesPosts homeTimesPostsThe record, as it happens.

Siyasa Nigeria ::::: Tun farko Turai aka tura ni a matsayin jakadan Najeriya amma na nemi a dawo da ni Afrika ta Kudu - Fani-Kayode

Tun farko Turai aka tura ni a matsayin jakadan Najeriya amma na nemi a dawo da ni Afrika ta Kudu - Fani-Kayode Jakadan Najeriya a Afirka ta Kudu, Femi Fani-Kayode, ya bayyana cewa tun farko an tura…

Ay Abdullahi · Admin

· 1 min read

Tun farko Turai aka tura ni a matsayin jakadan Najeriya amma na nemi a dawo da ni Afrika ta Kudu - Fani-Kayode

Jakadan Najeriya a Afirka ta Kudu, Femi Fani-Kayode, ya bayyana cewa tun farko an tura shi aiki a wata ƙasa a Turai, amma ya nemi Shugaba Bola Tinubu da ya sauya masa wurin aiki zuwa Afirka ta Kudu.

Fani-Kayode ya bayyana hakan ne yayin liyafar cin abinci da ofishin jakadancin Najeriya da ke Pretoria suka shirya, bayan miƙa takardun shaidar fara aikinsa ga Shugaban Afirka ta Kudu, Cyril Ramaphosa, a ranar 13 ga Nuwamba, 2026.

Ya ce ya zaɓi Afirka ta Kudu ne saboda yana ganin Najeriya da ƙasar suna da rawar da za su taka wajen bunƙasa tattalin arziki da ci gaban yankin Afirka.

A cewarsa, ya nemi Shugaba Tinubu da ya tura shi Afirka ta Kudu maimakon ƙasar Turai da aka fara sanya shi, kuma shugaban ya amince da buƙatarsa.

Fani-Kayode ya ce Najeriya da Afirka ta Kudu ƙasashe ne masu tarihi da al'adu masu ƙarfi, don haka ya kamata su ƙarfafa alaƙarsu tare da guje wa duk wani abu da zai haddasa rashin fahimta ko rarrabuwar kai.

Tun da farko, an naɗa Fani-Kayode a matsayin jakadan Najeriya a Jamus, kafin daga bisani a sauya masa wurin aiki zuwa Afirka ta Kudu a watan Mayun 2026.

A wancan lokacin, tsohon ministan ya bayyana cewa ya gabatar da buƙata a hukumance ga tsohon Ministan Harkokin Wajen Najeriya, Yusuf Tuggar, inda ya bayyana rashin jin daɗinsa da tura shi Jamus saboda wasu dalilai na kansa da kuma kasancewar ya shafe mafi yawan rayuwarsa a Turai.

Ya ce ya fi son zuwa Afirka ta Kudu, ƙasar da bai taɓa ziyarta ba, amma yake da matuƙar sha'awar saninta.

More from TimesPosts