Labaran Duniya. :: AN GANO SHI

AN GANO SHI

Rundinar 'yan sandan Nigeria reshen jihar Zamfara, ta samu nasaran gano Matashin dan agaji na kungiyar Izala wanda yayi kalamai masu hatsari akan mabiya addinin Kirista a lokacin da suke atisaye da yara kanana sanye da kakin 'yan agaji na kungiyar Izala

Matashin mai suna Umar Ibrahim Gandi Maradun, dan asalin karamar Hukumar Maradun ta Jihar Zamfara, an haifeshi a ranar 15 ga Satumba, 2004, yanzu yana da shekaru 22

Binciken farko ya nuna cewa an dauki bidiyon ne a ranar Juma’a, 23 ga Oktoba,2026, lokacin da Umar Ibrahim yana kan hanyarsa ta zuwa Masallacin Aliyu Ibn Abi Thalib, inda aka ce shi da wasu mutane suna bayar da tsaro a lokacin sallar Juma’a da wa’azi

Bayan bayyanar wannan bidiyo, rundunar 'yan sanda ta gaggauta tura jami’an leken asirinta domin gano mutanen da abin ya shafa da kuma tabbatar da halin da ya kai ga faruwar lamarin

Makarantun da aka gano suna da alaka da bidiyon su ne Nurul Islam Islamiyya da Akidatul Sahiha Islamiyya, wadanda dukkansu suke a karamar Hukumar Maradun, mai tazarar kusan kilomita 120 daga Gusau, babban birnin jihar Zamfara

Rundunar 'yan sanda ta tattauna da shugabannin JIBWIS a matakin Kasa da na jiha, daga bisani JIBWIS ta kama Matashin ta mika shi ga rundunar ’Yan Sandan Jihar Zamfara domin gudanar da bincike

Umar Ibrahim ya halarci Makarantar Firamare ta Mualledi Model da ke Maradun, da kuma Government Day Secondary School, Maradun, ya shiga JIBWIS a shekarar 2025, sannan kwanan nan ya samu gurbin karatu domin yin digirin farko na Kimiyya a fannin Sadarwa da Yada Labarai (Mass Communication) a Jami’ar Jihar Zamfara da ke Talata Mafara

Rundunar 'yan sanda ta fara gudanar da cikakken bincike kan wannan lamari, da zarar an kammala binciken, zata gurfanar da matashin a gaban kotu bisa zargin aikata laifuffukan da suka shafi tunzura mutane zuwa tashin hankali, tada hankalin jama’a da kuma barazanar aikata laifi

Sanarwa daga Kwamishinan 'yan sanda na jihar Zamfara CP A. M. Bello, PSC+, MNIPS, CCNP

Shikenan an rufe wanann babin, ita Izala bata karantar da tashin hankali balle tayi hari a kan wani, Matashin shekaransa guda da shiga kungiyar Izala, dama bai santa ba

Allah Ka kare mana kungiyar Izala daga sharrin masharranta