Wani mutum mai suna Hitler Mussolini Simeon Flores ya lashe zaɓen magajin gari a ƙasar Peru

Wani mutum mai suna Hitler Mussolini Simeon Flores ya lashe zaɓen magajin gari a ƙasar Peru.

Mutumin ɗan takarar wata jam'iyya mai suna Ahora Nación ne, wanda aka zaɓa a garin Queropalca - wani yanki mai nisa da ke tsakiyar tsaunukan Andes.

Mutanen garin su 229 ne suka zaɓi mutumin mai shekara 45 da haihuwa, kuma ya kayar da ɗan takarar jam'iyyar Renovación Popular Perú da ƙuri'u 25.

Shi dai wannan gari ya kasance mai mutane ƙasa da 1,000, amma abin da ya fi jan hankulan jama'a shine yadda ya ke da sunan mutum biyu da suka yi ƙaurin suna wato marigayi jagoran gwamnatin ƴan Nazi Hitler da abokin tafiyarsa yayin Ƴakin Duniya na Biyu marigayi shugaban Italiya Mussolini.

Alƙaluma daga ofishin zaɓe na ƙasar ta Peru sun tabbatar cewa mutum sama da 700 ne suka ƙada ƙuri'a a zaɓen magajin garin, inda Mista Mussolini ya sami kashi 34 cikin 100 na ƙuri'un.