Obama ya bukaci yan jam'iyyar Democrat su yi amfani da nasarar zabukan su wajen kawo sauyi a Amurka

Obama ya bukaci yan jam'iyyar Democrat su yi amfani da nasarar zabukan su wajen kawo sauyi a Amurka

Tsohon shugaban kasar Amurka Barack obama ya bukaci yan jam’iyyar Democrat da suyi amfani da ikon da suka samu a majalisar dokokin Amurka wajen kawo sauye-sauye domin samun kyakkyawan makoma ga kasar.

Jam’iyyar Democrat ta samu gagarumar nasara a zaɓen tsakiyar zangon mulki da aka gudanar ranar Talata, inda ta ƙwace cikakken iko da Majalisar Dokokin Amurka daga hannun jam’iyyar Republican ta Shugaba Donald Trump.

Obama ya bayyana nasarar a matsayin saƙo karara daga al’ummar Amurka, yana mai cewa jama’a na son shugabannin da za su haɗa kan mutane maimakon rarrabasu, tare da samar da mafita ga matsalolin da su ke fuskanta.

Ya ce duk da cewa gwamnatin Trump tana da sauran shekaru biyu a kan mulki, ya kamata ’yan Democrat su tashi tsaye, su yi amfani da damar da suka samu wajen kawo sauye-sauye da hana ƙarin lalacewar al’amura.

A nasa ɓangaren, Shugaba Donald Trump ya bayyana rashin jin daɗinsa kan sakamakon zaɓen, inda ya yi iƙirarin cewa da a ce yana takara, da jam’iyyarsa ta samu gagarumar nasara.